The news is by your side.

Advertisement

جسٹس عظمت ہی براڈ شیٹ کے سربراہ ہوں گے، وزیراعظم ڈٹ گئے

اسلام آباد: وزیراعظم عمران خان نے سینیٹ الیکشن اوپن بیلٹ کرانے کے لیے آئینی ترمیم لانے کا عندیہ دیتے ہوئے کہا جسٹس ریٹائرڈعظمت سعیدہی براڈشیٹ کی تحقیقات کریں گے۔

تفصیلات کے مطابق وزیراعظم عمران خان کی زیرصدارت حکومتی وزرا کا اجلاس ہوا، جس میں وزرا اورحکومتی ترجمان شریک ہوئے ، اجلاس میں ملکی معاشی اورسیاسی صورتحال پرغور کیا گیا اور حکومتی بیانیہ سےمتعلق مشاورت کی گئی۔

ملک بھرمیں قبضہ مافیاسےسرکاری زمینیں خالی کرانے کا فیصلہ

اجلاس میں ٹرانسپرنسی انٹرنیشنل،براڈشیٹ،قبضہ مافیاسمیت اہم معاملات پر بریفنگ دی گئی اور فیصلہ کیا گیا کہ ملک بھرمیں قبضہ مافیاسےسرکاری زمینیں خالی کرائی جائیں گی، وزیراعظم نے اس حوالے سے کہا کہ سیاست اور جمہوریت کی آڑمیں ذاتی مال بنانےکی اجازت نہیں دیں گے۔

مشیرداخلہ شہزاداکبر نے سرکاری املاک پرقبضہ کرنےوالوں سےمتعلق اور کھوکھربرادران،جاویدلطیف،دانیال عزیزکےسرکاری اراضی قبضہ کیسز پربریفنگ دیتے ہوئے کہا اربوں روپےکی سرکاری اراضی واگزارکرا لی گئی ہے۔

بریفنگ میں بتایا گیا کہ 15سے20ارب کی سرکاری اراضی واگزارکرائی جاچکی ہے، واگزارکرائی گئی سرکاری اراضی مفادعامہ میں استعمال ہو گی جبکہ اجلاس میں مریم نوازکی کھوکھربرادران کی حمایت میں پریس کانفرنس پربات چیت ہوئی۔

سینیٹ الیکشن اوپن بیلٹ کرانے کے لیے آئینی ترمیم لانے کا عندیہ

اجلاس میں سینیٹ الیکشن اوپن بیلٹ کرانے کے لیے جدوجہد جاری رکھنے کے عزم کا اعادہ کیا گیا، وزیراعظم عمران خان نے کہا اوپن بیلٹ کےلیےآئینی ترمیم لائیں گے، سیاست عبادت ہے، ظالموں چوروں کے ساتھ کھڑنے ہونے کا نام سیاست نہیں۔

وزیراعظم کا ٹرانسپرنسی انٹرنیشنل کی رپورٹ کاخیرمقدم

اجلاس میں ٹرانسپرنسی انٹرنیشنل پرترجمانوں کو بریفنگ دی گئی ، وزیراعظم نےٹرانسپرنسی انٹرنیشنل کی رپورٹ کاخیرمقدم کرتے ہوئے کہاجب یہ اردوترجمہ کرائیں گےانہیں پتہ چل جائےگا۔

جسٹس ریٹائرڈعظمت سعیدہی براڈشیٹ کی تحقیقات کریں گے

براڈشیٹ کے معاملے پر عمران خان کا کہنا تھا کہ جسٹس ریٹائرڈعظمت سعیدہی براڈشیٹ کی تحقیقات کریں گے، جسٹس ریٹائرڈعظمت سعیدمعززاوراچھی شہرت والےجج ہیں۔

فارن فنڈنگ کاالزام لگانے والے خود فارن فنڈنگ لینے میں ملوث نکلے

وزیراعظم نے مزید کہا کہ فارن فنڈنگ کاالزام لگانے والے خود فارن فنڈنگ لینے میں ملوث نکلے، فارن فنڈنگ کیس میں مولاناکوجواب دہ ہوناپڑےگا ، کوئی بھی قانون سےبالاترنہیں، انہوں نےہمارےخلاف کیس کیامگرخودپھنس گئے، چاہتےہیں سینیٹ انتخابات شفاف ہوں۔

Comments

یہ بھی پڑھیں