اسلام آباد : وزیراعظم عمران خان نے کل ملک کےنوجوانوں سے خطاب کرنے کا فیصلہ کرلیا ، جس میں عمران خان نوجوانوں کیلئے 4 نئے پروگرامز کا آغاز کریں گے۔
تفصیلات کے مطابق وزیراعظم عمران خان نے کل کامیاب جوان پروگرام سے مستفید نوجوانوں کا کنونشن بلا لیا ، وزیراعظم میگاکنونشن میں نوجوانوں سے خطاب کریں گے۔
وزیراعظم کل نوجوانوں کیلئے 4 نئے پروگرامز کا آغاز کریں گے ، جس میں 137 یونیورسٹیز میں25 لاکھ طلبا کیلئے کامیاب جوان مرکز کا آغاز کیا جائے گا، جس میں طلبا کو کیئریر کونسلنگ، اسکالرشپ جاب پلیسمنٹ،بزنس سینٹر سہولت دی جائے گی۔
معاون خصوصی عثمان ڈار کا کہنا ہے کہ کھیلوں کے فروغ کیلئے کل بڑا ٹیلنٹ ہنٹ پروگرام لانچ کیا جائے گا ، جس میں 12مختلف کھیلوں میں نیا ٹیلنٹ تلاش کرکے قومی سطح پر لایا جائے گا۔
یاد رہے سربراہ کامیاب جوان پروگرام عثمان ڈار کا کہنا تھا کہ کامیاب جوان لون اسکیم کےتحت30 ارب قرض کی منظوری دی جاچکی ہے اور کاروبار کے خواہشمند نوجوانوں میں23.5 ارب کا قرض تقسیم ہوچکا ہے۔
عثمان ڈار نے کہا تھا کہ نوجوان آزادکشمیر،جی بی میں کامیاب جوان پروگرام سےمستفیدہورہےہیں، ہنر مند پاکستان پروگرام کا ہدف1 لاکھ 70 ہزار نوجوانوں کو ہنر مند بنانا ہے۔
ان کا مزید کہنا تھا کہ غیر نصابی اور کھیلوں کی سرگرمیوں کیلئے4 ارب کے منصوبوں کا آغاز کر چکے ہیں، سرکاری یونیورسٹیوں میں کامیاب جوان مراکز قائم کر رہے ہیں، کامیاب جوان مراکز سے20لاکھ نوجوان مستفید ہوں گے۔
