The news is by your side.

Advertisement

وزیراعظم کا دورہ ملائیشیا کے لیے بھارتی فضائی حدود استعمال نہ کرنے کا فیصلہ

اسلام آباد: وزیراعظم عمران خان نے دورہ ملائیشیا کے لیے بھارت کی فضائی حدود استعمال نہ کرنے کا فیصلہ کرلیا۔

نمائندہ اے آر وائی نیوز کے مطابق وزیراعظم کل 2 روزہ دورے پر ملائیشیا روانہ ہوں گے، دورے سے قبل وزیراعظم عمران خان نے فیصلہ کیا ہے کہ وہ بھارت کی فضائی حدود استعمال نہیں کریں گے۔

ذرائع کا کہنا ہے کہ چین کی فضائی حدود استعمال کرنے سے سفر 4 سے 5 گھنٹے طویل ہوجائے گا۔

ذرائع کا مزید کہنا ہے کہ بھارتی حدود استعمال نہ کرنے کا فیصلہ وزیراعظم نے مقبوضہ کشمیر میں جاری بھارتی مظالم پر کیا گیا ہے۔

وزیراعظم عمران خان کل خصوصی طیارے پر ملائیشیا روانہ ہوں گے جہاں وہ ہم منصب مہاتیر محمد سے ملاقات کریں گے۔

ترجمان دفتر خارجہ کا کہنا ہے کہ پاکستان اور ملائیشین وزیراعظم کی مشترکہ پریس بریفنگ بھی ہوگی، وزیراعظم ملائیشیا میں تھنک ٹینک سے بھی خطاب کریں گے۔

عائشہ فاروقی کے مطابق وزیراعظم کے دورے کے دوران دو طرفہ معاہدے بھی کیے جائیں گے، وزیراعظم عمران خان مسئلہ کشمیر، انسانی حقوق کی خلاف ورزیوں کو اجاگر کریں گے۔

یاد رہے کہ وزیراعظم عمران خان اس سے قبل بھی ملائیشیا کا دورہ کرچکے ہیں۔

fb-share-icon0
Tweet 20

Comments

comments

یہ بھی پڑھیں