اسلام آباد: وزیر اعظم عمران خان نے آج صبح اپنے ٹویٹر اکاؤنٹ پر نظم و ضبط کا خصوصی پیغام جاری کیا ہے۔
اے آر وائی نیوز کے مطابق وزیر اعظم نے اپنے ٹویٹ میں لکھا ‘عوام کے لیے میرا پیغام ہے کہ جس قدر ممکن ہو خود کو گھروں تک محدود رکھیں۔’
وزیر اعظم کا کہنا تھا کہ لوگ جتنا زیادہ نظم و ضبط رکھیں گے اتنا ہی حکومت کے لیے کرونا وائرس کی وبا سے نمٹنا آسان ہوگا۔ انھوں نے لکھا کہ لوگوں کے نظم و ضبط ہی سے بندشوں میں مرحلہ وار نرمی بھی ممکن ہو پائے گی۔
کورونا ایک قومی بحران ہے اس پرسیاست نہ کی جائے،وزیراعظم کی اپیل
واضح رہے کہ پاکستان میں کرونا وائرس سے ہلاکتوں سے صورت حال تشویش ناک ہو گئی ہے، مزید 18 اموات کے بعد مجموعی تعداد 168 ہو گئی، گزشتہ 24 گھنٹوں کے دوران مزید 514 کیسز بھی رپورٹ ہوئے، جس کے بعد ملک میں کیسز کی مجموعی تعداد 8,348 ہو گئی ہے۔
My message for people is to stay home as much as possible during this pandemic. The more people show self-discipline, the easier it will be for us to manage the COVID19 plus ease the lockdown gradually pic.twitter.com/YEOS4Hb6iu
— Imran Khan (@ImranKhanPTI) April 20, 2020
نیشنل کمانڈ اینڈ آپریشن سنیٹر کے مطابق 5966 افراد زیر علاج ہیں، 1868 مریض صحت یاب ہو چکے ہیں، خیبر پختون خوا میں ایک ہی دن میں 10 اموات واقع ہوئیں، سندھ میں قاتل وائرس نے مزید 8 افراد کی جان لے لی۔
