The news is by your side.

Advertisement

وزیراعظم عمران خان کی زیرصدارت13 نکاتی ایجنڈے پر کابینہ کا اہم اجلاس آج ہوگا

اسلام آباد : وزیراعظم عمران خان کی زیرصدارت کابینہ کا اہم اجلاس آج ہوگا، مقبوضہ کشمیر کی صورتحال اور وزیراعظم کےدورہ امریکا پرمشاورت ہوگی۔

تفصیلات کے مطابق وزیراعظم عمران خان نے دورہ امریکا سے قبل وفاقی کابینہ کا اجلاس آج 17ستمبر بروز منگل کو ہوگا۔

اس حوالے سے ذرائع کا کہنا ہے کہ وزیر اعظم کی زیرصدارت اجلاس میں13 نکاتی ایجنڈے پر غور کیا جائے گا۔ اس کے علاوہ مقبوضہ کشمیر کی موجودہ صورتحال اوروزیراعظم کےدورہ امریکا پرمشاورت ہوگی اور سی پیک و توانائی منصوبوں سے متعلق بھی اہم فیصلے کیے جائیں گے.

اجلاس میں کشمیر سے متعلق عالمی رہنماؤں سے روابط اور سفارتی کوششوں سے بھی کابینہ کو آگاہ کیا جائے گا۔
وفاقی کابینہ کے اجلاس میں وزیر اعظم کے دورہ امریکا اور سعودی عرب پر تفصیلی گفتگو کے علاوہ ملک کی سیاسی، معاشی اور سلامتی کی صورتحال بھی زیر بحث آئے گی, اس کے علاوہ اجلاس میں ملکی سیاسی و پارلیمانی امور کا جائزہ بھی لیا جائے گا.

یاد رہے کہ رواں ماہ تین ستمبر کو ہونے والے وزیراعظم کی زیرصدارت وفاقی کابینہ کے اجلاس میں مسئلہ کشمیر پر عالمی فورمز کا ہر دروازہ کھٹکھٹانے کا فیصلہ کیا گیا تھا جبکہ بڑے صنعت کاروں کو ٹیکس معاف کرنے کا معاملہ بھی زیر بحث آیا تھا اور وزیراعظم نے جی آئی ڈی سی کی مد میں ٹیکس معاف کرنے کا نوٹس لیتے ہوئے عمرایوب اور ندیم بابرسے تفصیلات طلب کیں تھیں۔

وزیراعظم نے اس ضمن میں میڈیا پر چلنے والی خبروں پر وضاحت مانگ لی اور کہا تھا کہ ٹیکس معافی سےمتعلق ابہام کودورکیا جائے، عوام کو واضح اندازمیں بتایا جائے کہ ٹیکس کیوں معاف کیا گیا۔

Comments

comments

یہ بھی پڑھیں