The news is by your side.

Advertisement

وزیراعظم نے حمّاد اظہر کو عہدہ سنبھالتے ہی اہم ہدایات دے دیں

اسلام آباد: وزیراعظم عمران خان نے  نومنتخب وفاقی وزیر خزانہ حمّاد اظہر کو اہم ہدایات جاری کردیں۔

نمائندہ اے آر وائی نیوز کو ذرائع سے ملنے والی اطلاع کے مطابق وزیراعظم عمران خان نے وزیرخزانہ حماداظہر سے بنی گالہ میں ملاقات کی۔

وزیراعظم عمران خان نے حماد اظہر کو نئی ذمہ داریاں سنبھالنے پر مبارک باد پیش کی اور  ملکی معیشت  سمیت عوامی فلاحی اقدامات پر تبادلۂ خیال کیا۔

وزیراعظم نے حمّاد اظہر کو غریب آدمی کیلئے ریلیف کے فوری اقدامات کرنے کی ہدایت کی۔

مزید پڑھیں: ’آپ اس وزارت کے پوری طرح مستحق تھے‘ حماد اظہر کو قلم دان ملنے پر مبارک باد کا پیغام

ذرائع کے مطابق وفاقی وزیر برائے خزانہ حمّاد اظہر نے وزیراعظم کو یقین دہانی کرائی کہ وہ غریب عوام کو ریلیف فراہم کرنے کے اقدامات شروع کردیں گے۔

واضح رہے کہ ایک روز قبل وزیراعظم عمران خان نے وفاقی کابینہ میں ردوبدل کرتے ہوئے عبدالحفیظ شیخ کو وزارتِ خزانہ کا قلم دان چھوڑنے اور حماد اظہر کو  نئی ذمہ داری سونپی جس پر انہوں نے وزیراعظم کا شکریہ بھی ادا کیا تھا۔

Comments

یہ بھی پڑھیں