مدینہ منورۃ: وزیراعظم عمران خان نے مدینہ منورۃ پہنچنے کے بعد روضہ رسول ﷺ پر حاضری دی اور نوافل بھی ادا کیں۔
اے آر وائی نیوز کے مطابق وزیراعظم عمران خان ، خاتونِ اول اور وفد کے ہمراہ تین روزہ سرکاری دورے پر سعودی عرب پہنچ گئے ہیں۔ جہاں انہوں نے سعودی ولی عہد محمد بن سلمان سے ملاقات کی اور مختلف امور پر تبادلۂ خیال کیا۔
مزید پڑھیں: ‘وزیراعظم کا دورہ کامیاب، سعودی عرب پاکستان کو 500 ملین ڈالرفراہم کرے گا’
وزیراعظم عمران خان آج مدینہ پہنچنے جہاں مدینہ کے گورنر شہزادہ محمد بن فیصل نے اُن کا استقبال کیا۔
وزیراعظم عمران خان اپنے اور آپ سب کے محبوب محمد ﷺ کے روضہ پر حاضری اور افطار کی برکتیں سمیٹتے ہوئے۔ آئیں مل کر درود شریف پڑھیں pic.twitter.com/HImaIqhLqI
— Dr. Shahbaz GiLL (@SHABAZGIL) May 8, 2021
رسول اللہ ﷺ سے عشق اور عقیدت میں عمران خان نے احتراماً مدینے کی سرزمین پر جوتے اتار کر قدم رکھا۔ عمران خان اور وفد نے روضہ رسول ﷺ پر حاضری دی جبکہ مسجدنبوی ﷺ میں افطار اور نماز مغرب و عشاء بھی ادا کی۔ وزیراعظم کے معاونِ خصوصی شبہاز گل نے بتایا کہ عمران خان عمرہ ادائیگی کے لیے کل مکہ مکرمہ جائیں گے۔
سرکار دو عالم محمد مصطفی ﷺ کے دربار میں غلام کی حاضری ادب کا قرینہ کہ جوتے پہننے کی جسارت دربارِ مصطفیࣿ ﷺ میں تو کیا ان کے شہر میں بھی نہیں ۔۔۔ کہ ادب پہلا قرینہ ہے محبت کے قرینوں میں ۔۔۔ pic.twitter.com/1iblXm6DoH
— Ch Fawad Hussain (@fawadchaudhry) May 8, 2021
دوسری جانب حرم شریف میں عمران خان کی آمد پر انتظامات کی تصویر جاری کی گئیں ہیں۔
