The news is by your side.

Advertisement

بجٹ میں اخراجات میں ممکنہ حدتک کفایت شعاری اختیارکی جائے: وزیر اعظم

اسلام آباد:  وزیر  اعظم عمران خان نے کہا ہے کہ انضمام شدہ علاقوں کی ترقی حکومت کی اولین ترجیح ہے.

ان خیالات کا اظہار انھوں‌ نے گورنر کے پی اور وزیراعلیٰ محمود خان سے ملاقات کے موقع پر کیا. مراد سعید، فردوس عاشق اعوان، نعیم الحق نے بھی وزیر اعظم سے بھی ملاقات کی.

ملاقات میں انضمام شدہ علاقوں کی ترقی سےمتعلق لائحہ عمل پرغور کیا گیا، وزیراعلیٰ کے پی نےجاری منصوبوں، صحت انصاف کارڈ سے متعلق وزیراعظم کو آگاہ کیا.

اس موقع پر  وزیر اعظم نے کہا کہ حکومت صحت، تعلیم، امن، دیگر سہولیات کی فراہمی پرتوجہ دے رہی ہے.

انھوں نے کہا کہ انضمام شدہ علاقوں کو  ملک کے دوسرے حصوں کے برابر لایا جا سکے، بجٹ میں بلوچستان کے پس ماندہ مقامات پرخصوصی توجہ دی جارہی ہے.

مزید پڑھیں: وزیراعظم کا نتھیا گلی،ایوبیہ سمیت گلیات کو ملک کا بڑا سیاحتی مرکز بنانے کا فیصلہ

وزیراعظم کا کہنا تھا کہ بجٹ میں اخراجات میں ممکنہ حدتک کفایت شعاری اختیارکی جائے، پس ماندہ علاقوں کی ترقی، کمزور طبقوں کی معاونت پرتوجہ دے رہے ہیں.

ان کا کہنا تھا کہ انضمام شدہ علاقوں کےعوام نےملک کے لئے بے شمارقربانیاں دیں، ان علاقوں کے نوجوانوں کو روزگار کے مواقع فراہم کیے جائیں، یہ نوجوان اپنی صلاحیتوں کو برؤے کار لا سکیں.

Comments

comments

یہ بھی پڑھیں