The news is by your side.

Advertisement

وزیراعظم عمران خان کی فیملی کے ہمراہ پر فضا سیاحتی مقام نتھیا گلی آمد

اسلام آباد : وزیر اعظم عمران خان فیملی کے ہمراہ پر فضا سیاحتی مقام نتھیا گلی پہنچے ، وہاگلے 2 روز تک نتھیاگلی میں ہی قیام کریں گے ، گورنر ہاؤس کے اسٹاف کی وزیر اعظم کے ساتھ تصویر سامنے آگئی ہے۔

تفصیلات کے مطابق وزیر اعظم عمران خان گورنرہاؤس نتھیاگلی پہنچے ، جہاں گورنر ہاؤس کے اسٹاف کی وزیر اعظم کےساتھ تصویرسامنےآگئی، عمران خان کی آج بعض پارٹی رہنماوں سے ملاقات متوقع ہے۔

گزشتہ روز وزیر اعظم عمران خان نے عیدالفطر کی نماز بنی گالہ مسجدمیں ادا کی، جس کے بعد دوپہر 2 بجے فیملی کےساتھ نجی دورے پرنتھیاگلی پہنچے تھے، گورنر خیبر پختونخوا شاہ فرمان نے ان کا استقبال کیا۔

وزیر اعظم عمران خان فیملی کے ہمراہ مزید دو دن پر فضا مقام پر گزاریں گے، عمران خان ہر سال عیدکی چھٹیاں سیاحتی مقام پر گزارتے ہیں۔

گزشتہ روز وزیر اعظم نے نتھیا گلی میں چہل قدمی اور ورزش کی، لوگوں نے تصاویر بھی بنوائیں۔

مزید پڑھیں : حکومت نے ملک کو ترقی وخوشحالی کے راستے پرگامزن کرنے کے سفر کا آغاز کردیا ہے، عمران خان

یاد رہے وزیراعظم عمران خان نے عیدالفطر کے موقع پر اپنے پیغام میں کہا تھا کہ کوئی بھی مستحق افراد کے ساتھ جوش وجذبے سے ان کی خوشیوں میں شریک ہو کر عید کا تہوار حقیقی معنوں میں منا سکتا ہے، حکومت نے ملک کو ترقی وخوشحالی کے راستے پرگامزن کرنے کے سفر کا آغاز کردیا ہے۔

وزیراعظم پاکستان کا کہنا تھا کہ ریاست مدینہ انسانی تاریخ میں ایک عظیم مثال ہے جو پورے بنی نوع انسان کے لیے رحمت اور فلاح کا باعث بنی، عمران خان نے اللہ تعالیٰ سے دعا کی کہ پاکستان کو امن وخوشحالی کا گہوارہ بنا دے جو ہر پاکستانی کی دلی تمنا ہے۔

Comments

comments

یہ بھی پڑھیں