The news is by your side.

Advertisement

وزیراعظم کا افغان صدر سے رابطہ، افغان تنازعے کے سیاسی حل پر زور

اسلام آباد : وزیراعظم عمران خان نے افغان صدر اشرف غنی سے رابطے میں افغان تنازعے کے سیاسی حل پرزور دیتے ہوئے کہا پاکستان افغان امن عمل میں ہرممکن تعاون جاری رکھے گا۔

تفصیلات کے مطابق وزیراعظم عمران خان نے افغان صدراشرف غنی سےٹیلی فونک رابطہ کیا ، جس میں دونوں رہنماؤں کے درمیان افغان امن عمل سے متعلق تفصیلی تبادلہ خیال کیا گیا اور پاک افغان تعلقات کی مضبوطی پر بھی اظہار خیال کیا گیا۔

ٹیلیفونک رابطے میں وزیراعظم عمران خان نے افغان تنازعےکےسیاسی حل پرزور دیتے ہوئے کہا تنازعےکاحل افغان قیادت کےزیرانتظام ہی ہوناچاہیے ، پاکستان افغان امن عمل میں ہرممکن تعاون جاری رکھے گا۔

وزیراعظم نے دوحہ میں انٹراافغان مذاکرات میں حالیہ پیشرفت کاخیرمقدم کرتے ہوئے کہا افغان اسٹیک ہولڈرز کی سیاسی تفصیے تک رسائی میں پاکستان کاکردارہے۔

عمران خان کا کہنا تھا کہ وسیع البنیاد اورجامع سیاسی تصفیےکی طرف پیشرفت کویقینی بنایا جائے گا، طالبان کی سیاسی کمیٹی کادورہ پاکستان بھی اسی تناظرمیں ہورہا ہے۔

Comments

یہ بھی پڑھیں