اسلام آباد : وزیراعظم عمران خان کی زیرصدارت وفاقی کابینہ کے اجلاس میں کورونا ویکسین کی خریداری کے لیے پیپرا رولز سے استثنیٰ کی منظوری دے دی گئی۔
تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس ہوا، جس میں اہم ملکی امور پر غور سمیت کورونا کے بڑھتے کیسز اور تدارک کے انتظامات پر بریفنگ دی گئی۔
وفاقی کابینہ کے اجلاس میں کورونا ویکسین کی خریداری کے لیے پیپرا رولز سے استثنیٰ کی منظوری اور پریس کونسل آف پاکستان کےممبران کے تقررکی منظوری دے دی گئی جبکہ 1997میں اسٹیبلشمنٹ سےمتعلق کابینہ فیصلے پر نظرثانی کا معاملہ موخر کردیا گیا۔
ذرائع کے مطابق اجلاس میں فش پراسیسنگ پلانٹس کی رجسٹریشن سےمتعلق انسپکشن کمیٹی کی تشکیل کی منظوری بھی دی گئی جبکہ ریلوے اور وزارت دفاع کےدرمیان کثیرالمنزلہ عمارت کی تعمیر کا معاملہ اور کابینہ ادارہ جاتی اصلاحات کمیٹی کے17دسمبرکےفیصلوں کی توثیق موخر کردی۔
کابینہ نےپاکستان ایکسپوسینٹرزکےچیئرمین بورڈآف ڈائریکٹرزکی منظوری کے ساتھ ساتھ کابینہ کمیٹی برائےقانون سازی کے 31دسمبرکے فیصلوں کی بھی توثیق کردی۔
