گلگت ، بلتستان: وزیراعظم عمران خان نے دیامیر بھاشا ڈیم کو ملک کے لیے اہم ترین منصوبہ قرار دیتے ہوئے اس کے اہم فوائد بیان کردیے۔
اے آر وائی نیوز کی رپورٹ کے مطابق وزیراعظم عمران خان کادیامیربھاشا ڈیم سائٹ کا دورہ کیا، اس موقع پر واٹر اینڈ پاؤر ڈویلپمنٹ اتھارٹی (واپڈا) کے چیئرمین نے وزیراعظم کو منصوبے پر جاری کام سے متعلق بریفنگ دی۔
وزیر اعظم نے بریفنگ اور ڈیم پر جاری کام کے جائزے کے بعد وہاں موجود مزدوروں سے گفتگو کی اور دیامیر بھاشا کے اہم فوائد بیان کیے۔
وزیراعظم عمران کان کا کہنا تھا کہ ’دیامیر بھاشا ڈیم ملک کے لیے اہم ترین منصوبہ ہے، اس کی تعمیر کے بعد پانی ذخیرہ کرنے کی گنجائش بڑھ جائے گی جس سے بجلی کی پیداوار بھی کی جائے گی‘۔
اُن کا کہنا تھا کہ ’دیامیربھاشا ڈیم منصوبے سے تربیلاڈیم کی کارآمد میعادمیں اضافہ ہوگا، سب سے اہم بات یہ ہے کہ منصوبےسے روزگار کے مواقع ملیں گے اور معیشت مزید مستحکم ہوگی‘۔
وزیر اعظم نے کہا کہ دیامیر بھاشا ڈیم ملک کے لیے اہم ترین منصوبہ ہے۔ انہوں نے کہا کہ جہاں اس ڈیم سے پانی ذخیرہ اور بجلی بنے گی وہاں اس کی وجہ سے تربیلہ ڈیم کی کارآمد معیاد میں اضافہ ہوگا، روزگار کے مواقع ملیں گے اور معیشت مزید مستحکم ہوگی۔ pic.twitter.com/mhgspM0NxK
— Prime Minister’s Office, Pakistan (@PakPMO) November 1, 2020
وزیراعظم عمران خان نے منصوبے پر ہونے والے کام اور اس کی رفتار و معیار پر اطمینان کا اظہار کرتے ہوئے کہاکہ ’تعمیراتی کام سے اس علاقے میں معاشی سرگرمیاں تیز ہوں گی، جس سے نوجوانوں کے لیے روزگار کے وسیع مواقع پیدا ہوں گے‘۔
