The news is by your side.

Advertisement

‘اب پاکستان میں غریب آدمی کرائے کے بجائے گھر کی اقساط دیکر اپنے گھر کا مالک بن سکے گا’

اسلام آباد: وزیراعظم عمران خان کا کہنا ہے کہ غریب آدمی کرائے کے بجائے گھر کی اقساط دیکر اپنے گھر کا مالک بن سکے گا۔

تفصیلات کے مطابق وزیراعظم عمران خان سے چیئرمین نیا پاکستان ہاؤسنگ اتھارٹی انور علی حیدر کی ملاقات ہوئی ، ملاقات میں وزیراعظم کو کم قیمت رہائش کی فراہمی کے منصوبوں پر پیشرفت سے آگاہ کیا گیا۔

دوران ملاقات میں چیئرمین نیا پاکستان ہاؤسنگ اتھارٹی نے بریفنگ میں کہا مارٹگیج فنانسنگ کیلئےاسٹیٹ بینک نے69ارب روپےکی منظوری دے دی ہے۔

اس موقع پر وزیراعظم عمران خان نے کہا کہ کم قیمت رہائش کی فراہمی حکومت کی اولین ترجیحات میں شامل ہے، حکومت نے ملک میں پہلی دفعہ مارٹگیج فنانسنگ کو متعارف کرایا۔

عمران خان کا مزید کہنا تھا کہ غریب آدمی کرائے کے بجائے گھر کی اقساط دیکر اپنے گھر کا مالک بن سکے گا۔

Comments

یہ بھی پڑھیں