اسلام آباد: وزیراعظم عمران خان نے سانحہ تیزگام پر دکھ کا اظہار کرتے ہوئے فوری انکوائری کاحکم دے دیا اور کہا رزخمیوں کی جلد صحتیابی کے لیے دعاگو ہوں، حادثے میں اب تک 70 افراد جاں بحق ہوچکے ہیں۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا سانحہ تیزگام پربہت دکھ ہے، جاں بحق افراد کے اہلخانہ سے تعزیت اور زخمیوں کی صحتیابی کیلئے دعا گو ہوں جبکہ وزیراعظم نے سانحہ تیزگام کی فوری انکوائری کا بھی حکم دیا۔
Deeply saddened by the terrible tragedy of the Tezgam train. My condolences go to the victims’ families & prayers for the speedy recovery of the injured. I have ordered an immediate inquiry to be completed on an urgent basis.
— Imran Khan (@ImranKhanPTI) October 31, 2019
اس سے قبل وزیراعظم عمران خان نے ٹرین حادثے پر اظہار افسوس کرتے ہوئے انتظامیہ کو زخمیوں کو بہترین طبی امداد فراہم کرنے کی ہدایت کی تھی۔
یاد رہے لیاقت پورکے قریب تیزگام ایکسپریس میں آتشزدگی کے ہولناک واقعے مین تین بوگیوں میں سواردرجنوں مسافرزندہ جل گئے،اب تک سترافراد کےجاں بحق ہونےکی تصدیق کردی گئی ہے جبکہ درجنوں زخمی ہیں اور ہلاکتوں میں اضافے کا خدشہ بھی ظاہر کیا جا رہا ہے۔
مزید پڑھیں : لیاقت پور: تیزگام کی 3 بوگیوں میں آگ لگ گئی، 70 افراد جاں بحق
بہاولپور، ملتان اوررحیم یارخان کےسرکاری اسپتالوں میں ایمرجنسی نافذ ہے،ایم ایس ڈی ایچ کیولیاقت پورکےمطابق بارہ مسافروں کی حالت تشویشناک ہے،چودہ لاشیں ناقابل شناخت ہیں، حکام کا کہنا ہے کہ آگ سلنڈر پھٹنے کے باعث لگی۔
