پشین: وزیراعظم شہبازشریف اور ایرانی صدر ابراہیم رئیسی نے پاک ایران سرحد مند پشین پر بارڈر مارکیٹ کا افتتاح کر دیا، جس کا مقصد تجارت کو فروغ دینا ہے۔
تفصیلات کے مطابق پاک، ایران تعلقات میں اہم پیش رفت ہوئی، وزیرِ اعظم شہباز شریف نے آج پاک ایران سرحد کا دورہ کیا ہے جہاں انہوں نے ایرانی صدر کے ساتھ بارڈر مارکیٹ کا افتتاح کیا ہے۔
اس موقع پر وزیرِ اعظم شہباز شریف کے ساتھ وزیرِ خارجہ بلاول بھٹو زرداری اور دیگر وفاقی وزراء بھی تھے۔
وزیراعظم نے ایرانی صدر کے ہمراہ بارڈر مارکیٹ کا دورہ بھی کیا، بارڈر مارکیٹ کے قیام سے عوام کیلئے روزگار کے مواقع پیدا ہوں گے اور منصوبے سے سمگلنگ کی روک تھام کی جا سکے گی۔
حکومت مزید پانچ بارڈر مارکیٹس پر کام کر رہی ہے۔ جن کو جلد تجارت کیلئے کھول دیا جائے گا۔
دونوں سربراہان نے مَند پشین سرحدی کراسنگ پر 100میگاواٹ بجلی کی ٹرانسمیشن لائن کا افتتاح بھی کیا، ترجمان دفتر خارجہ کے مطابق پولان-گبد ٹرانسمیشن لائن ایران سے اضافی سو میگاواٹ بجلی کی ترسیل ممکن بنائے گی۔
وزیراعظم شہبازشریف اورایرانی صدر نے شجرکاری مہم کےتحت پودا بھی لگایا۔
