سری نگر : وزیر اعظم آزاد جموں و کشمیر نے سالِ نو پر اپنے پیغام میں کہا ہے کہ خدا کرے آنے والا سال مقبوضہ کشمیر کی آزادی کا سورج بن کر طلوع ہو۔
تفصیلات کے مطابق وزیر اعظم آزاد جموں و کشمیر فاروق حیدر نے نئے سال کی آمد پر پیغام جاری کرتے ہوئے پوری قوم کو نئے سال کی آمد مبارک پیش کی۔
فاروق حیدر کا کہنا تھا کہ خدا کرے آنے والا سال مقبوضہ کشمیر کی آزادی کا سورج بن کر طلوع ہو۔
وزیر اعظم آزاد جموں و کشمیر نے اپنے پیغام میں شہدائے کشمیر کو خراج عقیدت پیش کرتے ہوئے کہا کہ خدا کرے آنے والا سال پاکستان و کشمیر کے لئے خیر و برکت کا باعث ہو۔
مزید پڑھیں : ریاست جموں وکشمیر سے پاکستان کا الحاق ہوکر رہے گا: وزیراعظم آزادکشمیر
یاد رہے کہ دو ماہ قبل وزیر اعظم آزاد کشمیر فاروق حیدر کا کہا تھا کہ ریاست جموں و کشمیر کا پاکستان کا الحاق ہوکر رہے گا، بھارت کشمیریوں کو ان کا حق خود ارادیت دے۔
فاروق حیدر کا کہنا تھا کہ پاکستان نے مسئلہ کشمیر کو ہمیشہ اپنا مسئلہ سمجھا ہے۔
ان کا کہنا تھا کہ آزادکشمیر میں کسی قسم کی مذہبی تقسیم نہیں ہے، کشمیر میں مذہب کی بنیادپر کسی نے کسی سے زیادتی نہیں کی۔
