site
stats
پاکستان

وزیراعظم کا قطری خاندان کیلیے خصوصی گھوڑے کا تحفہ

اسلام آباد: قطری شہزادوں پر حکومت پاکستان کی کرم فرمائیاں ختم ہو کر ہی نہیں دے رہیں، قطر کے شاہی خاندان کو تحفے میں خصوصی گھوڑا بھجوا دیا۔

تفصیلات کے مطابق وزیراعظم نواز شریف نے قطر کے شاہی خاندان کو تحفے میں خصوصی گھوڑا بھجوا دیا، گھوڑا بھجوانے کے لئے سی ون تھرٹی کا استعمال کیا جائے گا۔

گھوڑا بھجوانے کے لئے قطر ی حکومت کو لکھاگیا خط منظر عام پر آگیا، خط میں سی ون تھرٹی کی کلیئرنس مانگی گئی تھی۔

letter-final

پی ٹی آئی رہنما عمران اسماعیل کا کہنا ہے کہ یہ تحفہ ذاتی حیثیت میں نہیں بلکہ قومی خرچے پر بھجوایا گیا ہے۔

اپوزیشن رہنما شیخ رشید نے کہا کہ بہت سے رہنما ایسے تحفے جہاز کا کرایہ نہ ہونے کے باعث میزبان ملک میں ہی چھوڑ دیتے ہیں، سیاست دانوں کا مزید کہنا ہے کہ پانامہ کیس میں قطری خاندان کی اہمیت کے پیش نظر اس موقع پر ایسا اقدام معنی خیز ہو سکتا ہے۔

یاد رہے کہ اس سے قبل حکومت پاکستان کی جانب سے قطری شہزادوں کو تلور کے شکار کیلئے بھی خصوصی اجازت نامے جاری کیے گئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top