کراچی : وزیراعظم شہباز شریف نے بحری جہاز پی این ایس طارق کے منصوبے پر کام کرنے والے ملازمین کیلئے بیس کروڑ روپے تحفے کا اعلان کردیا۔
تفصیلات کے مطابق کراچی میں پاک بحریہ کے لیے جہازپی این ایس طارق کی لانچنگ تقریب میں وزیراعظم پاکستان شہباز شریف نے بحری جہاز منصوبے میں کام کرنیوالے ملازمین کا شکریہ ادا کیا۔
شہباز شریف کا کہنا تھا کہ بحری جہاز منصوبے پر کام کرنیوالوں کیلئے 20کروڑ روپے کا تحفہ لایا ہوں ،نیول چیف اور ریئر ایڈمرل یہ رقم ملازمین میں تقسیم کرائیں گے، وزیراعظم کے اعلان کے بعد ملازمین میں خوشی کی لہر دوڑ گئی۔
- Advertisement -
انھوں نے کہا کہ کچھ شدت پسند عناصرخطے کوغیرمستحکم کرنے کی کوشش کررہےہیں تاہم خطے میں امن کیلئے پاک بحریہ بھرپور کاوشیں کررہی ہیں۔
