اسلام آباد : وزیر اعظم شہباز شریف متحدہ عرب امارات کے صدر شیخ محمد کے بھائی کے انتقال پر تعزیت کے بعد وطن واپس پہنچ گئے۔
تفصیلات کے مطابق وزیراعظم شہباز شریف نے آج متحدہ عرب امارات کا مختصر دورہ کیا، ان کے ہمراہ وزیر خزانہ اسحٰق ڈار اور معاون خصوصی طارق فاطمی بھی تھے۔
وزیراعظم شہباز شریف متحدہ عرب امارات پہنچے جہاں پاکستان کے سفیر اور متحدہ عرب امارات کے سینئر عہدیدار نے ابوظبی میں ان کا استقبال کیا۔
Prime Minister Muhammad Shehbaz Sharif arrives in Abu Dhabi, UAE on his one day official visit. Pakistan's Ambassador to UAE and Senior officials of UAE received the Prime Minister upon his arrival. Abu Dhabi, 28th of July, 2023. pic.twitter.com/7qNhiwzvl6
— PMLN (@pmln_org) July 28, 2023
بعد ازاں انہوں نے متحدہ عرب امارات کے صدرشیخ محمد بن زید النہیان سے ملاقات کی اور ان بھائی شیخ سعید بن زاید النہیان کی وفات پر تعزیت کا اظہار کیا۔
وزیراعظم نے پاکستان کی حکومت اور عوام کی جانب سے شاہی خاندان سے تعزیت کی، وزیراعظم نے یواے ای کے صدر سے گفتگو کرتے ہوئے کہا کہ آپ کے غم میں برابر کےشریک ہیں، اللہ تعالیٰ مرحوم کو اپنی جوار رحمت میں اعلیٰ ترین مقام عطا فرمائے۔