وزیراعظم شہبازشریف نے پی ڈی ایم اور اتحادی جماعتوں کا اجلاس طلب کرلیا، وزیراعظم کی زیرِصدارت پی ڈی اتحادیوں کا اجلاس آج ہوگا۔
اے آر وائی نیوز کے مطابق حکومت کی جانب سے اسمبلی تحلیل کرنے کے 9 اگست کی تاریخ دے دی گئی ہے جس کے بعد حکومت نگراں وزیراعظم کے نام پر مشاورت کرنے کا ارادہ رکھتی ہے، وزیراعظم شہبازشریف نے پی ڈی ایم اور اتحادی جماعتوں کا اجلاس طلب کرلیا ہے۔
وزیراعظم کی زیرِصدارت پی ڈی اتحادیوں کا اجلاس آج منعقد کیا جائے گا، پی ڈی ایم اور اتحادیوں کا اجلاس ویڈیو لنک پر ہوگا۔
ذرائع کا کہنا ہے کہ اجلاس میں سربراہ پی ڈی ایم مولانا فضل الرحمان اور دیگر رہنما شرکت کریں گے، اجلاس میں اتحادی جماعتوں کے سربراہان بھی ویڈیو لنک کے ذریعے شرکت کریں گے۔
اجلاس میں نگران وزیر اعظم کے نام پر وزیر اعظم مشاورت کی جائے گی، نگران سیٹ پر وزیر اعظم پی ڈی ایم اور اتحادی جماعتوں کو اعتماد میں لیں گے۔
