اسلام آباد: وزیر اعظم شہباز شریف نے سابق صدر آصف علی زرداری پر سنگین الزام عائد کرنے پر چیئرمین تحریک انصاف عمران خان کو جواب دے دیا۔
سماجی رابطے کی ویب سائٹ ٹوئٹر پر وزیر اعظم شہباز شریف نے بیان جاری کیا کہ آصف علی زرداری پر عمران خان کے بے بنیاد الزامات غیر ذمہ دارانہ ہیں۔
شہباز شریف نے کہا کہ الزام سیاسی مخالفین کے خلاف زہر پھیلانے کے لیے سازشی تھیوری کا نمونہ ہے، ایسی بے ہودہ بیان بازی سیاسی طور پر متعلقہ رہنے کی کوشش ہے۔
انہوں نے ٹوئٹ میں کہا کہ قوم جانتی ہے کہ اقتدار کی خاطر عمران خان نے معاشرے کی تقسیم کا سہارا لیا۔
Such nonsensical rhetoric is an attempt to remain politically relevant. The whole nation knows how he has used politics of hatred to divide the society for the sake of power.
— Shehbaz Sharif (@CMShehbaz) January 28, 2023
گزشتہ روز عمران خان نے ویڈیو لنک کے ذریعے اپنے خطاب میں آصف علی زرداری پر قتل کی سپاری دینے کا الزام عائد کیا۔ انہوں نے کہا ’میرے قتل کا پلان اے اور بی ناکام ہونے کے بعد پلان سی بنایا گیا ہے جس کا سرغنہ زرداری ہے۔‘
عمران خان نے کہا ’زرداری نے سندھ کا لوٹا ہوا پیسہ دہشتگرد تنظیم کو دیا ہے جو چار لوگ مجھے قتل کرانا چاہتے تھے ان کے ساتھ زرداری بھی شامل ہیں۔ قوم کو یہ سب کچھ اس لیے بتا رہا ہوں تاکہ مجھے کچھ ہو جائے تو ان لوگوں کو انجوائے کرنے نہ دینا۔‘
پاکستان پیپلز پارٹی نے عمران خان کے مذکورہ بیان پر سخت ردعمل دیا ہے۔ پارٹی کے چیئرمین بلاول بھٹو زرداری نے چیئرمین پی ٹی آئی کے خلاف قانونی چارہ جوئی کا اعلان کر دیا ہے۔
We are exploring legal response to Imran latest defamatory & dangerous accusations. In the past he threatened my father that he was ‘in the crosshairs of his gun’. His & his associates history as both sympathizers & facilitators of terrorists are well documented. 2/6
— BilawalBhuttoZardari (@BBhuttoZardari) January 28, 2023
