اسلام آباد : وزیراعظم شہباز شریف بین الاقوامی موسمیاتی تبدیلی پر گلوبل فنانسنگ سمٹ میں شرکت کے لئے بدھ کو فرانس روانہ ہوں گے۔
تفصیلات کے مطابق وزیراعظم شہبازشریف 3 روزہ دورہ فرانس کیلئے بدھ کوروانہ ہوں گے، ذرائع نے بتایا کہ شہباز شریف 21 جون تا 23 جون تک فرانس کا دورہ کریں گے۔
دورے کے دوران وزیراعظم بین الاقوامی موسمیاتی تبدیلی پرگلوبل فنانسنگ سمٹ میں شرکت کریں گے، سمٹ نیو گلوبل فنانسنگ پیکٹ کی میزبانی فرانس کررہا ہے، سمٹ کا انعقاد 22 اور23 جون کو ہوگا۔
- Advertisement -
گلوبل سمٹ کے دوران وزیراعظم کی فرانس کے صدر ایمینول میکرن سے بھی ملاقات ہوگی، جس میں وزیر اعظم پاکستان میں سیلاب اورقدرتی آفات سے متعلق فریم ورک فورم پر پیش کریں گے۔
ذرائع کے مطابق دورہ فرانس کے اختتام پر وزیر اعظم کی نواز شریف سے بھی ملاقات کا امکان ہے۔