لاہور : مسلم لیگ ن نے پنجاب کیلئے امیدواروں سے پارٹی ٹکٹ کیلئےدرخواستیں طلب کرلیں، صدرن لیگ شہباز شریف کا کہنا ہے کہ اللہ کا نام لے کر انتخابی میدان میں اترنے کی تیاری کریں۔
تفصیلات کے مطابق ن لیگ نے پنجاب کیلئےامیدواروں سےپارٹی ٹکٹ کیلئےدرخواستیں طلب کرلیں ، اس حوالے سے شہباز شریف نے پارٹی صدر کے طور پر ہدایات جاری کیں۔
پارلیمانی بورڈزکو ہدایت کی گئی ہے کہ پنجاب اور کے پی میں امیدوراں کی فہرستوں کو حتمی شکل دی جائے۔
شہبازشریف نے کہا ہے کہ پنجاب میں کاغذات نامزدگی کے لئے 12 مارچ کی آخری تاریخ کا اعلان ہوچکاہے،امیدواراپنے اپنے حلقوں میں کاغذات جمع کرائیں۔
ن لیگی امیدواروں کو انتخابی مہم چلانے کے لئے حکمت عملی کی تیاری کی ہدایت کی گئی ہے۔
صدرن لیگ شہبازشریف نے کہا کہ اللہ کا نام لے کر انتخابی میدان میں اترنے کی تیاری کریں، مسلم لیگ ن پاکستان اور عوام کی خدمت کا نام ہے۔
شہبازشریف کا کہنا تھا کہ قائد محمد نوازشریف کی رہنمائی میں ہم نے ہمیشہ ملک کو بحرانوں سے نکالا ، اب بھی ہم سرخرو ہوں گے، معاشی تباہی، مہنگائی اور مسائل کے عذاب میں مبتلا کرنے والوں کو عوام جانتے ہیں۔
