لاہور: مسلم لیگ ن کے قائد نواز شریف کل بلوچستان جائیں گے۔
تفصیلات کے مطابق مسلم لیگ ن کے قائد نواز شریف اپنی پارٹی کے اتحاد کو مزید وسعت دینے کے لیے کل بلوچستان جائیں گے، کوئٹہ کے دورے کے دوران وہ 20 سے زائد اہم سیاسی شخصیات سے ملاقاتیں کریں گے۔
پارٹی ذرائع کا بتانا ہے کہ نواز شریف سے ملاقات کے بعد بلوچستان کے اہم سیاسی رہنمان لیگ میں شامل ہوجائیں گے جبکہ ن لیگ اور بی اے پی کے درمیان سیٹ ایڈجسٹمنٹ کے معاہدے کا بھی اعلان متوقع ہے۔
مسلم لیگ ن کے قائد نواز شریف کل بلوچستان جائیں گے#ARYNews pic.twitter.com/QyCbpfUpGS
— ARY NEWS (@ARYNEWSOFFICIAL) November 12, 2023
پارٹی ذرائع کا یہ بھی بتانا ہے کہ ن لیگ کے صدر شہباز شریف بھی نواز شریف کے ہمراہ بلوچستان جائیں گے۔
یہاں یہ بات قابل ذکر ہے کہ پارٹی کے سیکرٹری اطلاعات فیصل کریم کنڈی کے مطابق پیپلز پارٹی کے چیئرمین کا بھی 16 سے 21 نومبر تک خیبرپختونخوا کا دورہ متوقع ہے۔
خیال رہے کہ کچھ روز قبل پاکستان مسلم لیگ ن اور ایم کیو ایم پاکستان کے وفود کی ملاقات ہوئی تھی۔
