اسلام آباد: مسلم لیگ ن کے سینئر رہنماؤں نے اسحاق ڈار کی معاشی پالیسیوں سے شدید ناراضی کا اظہار کرتے ہوئے انھیں وزارت خزانہ سے ہٹانے کا مطالبہ کردیا۔
تفصیلات کے مطابق اسحاق ڈار کی معاشی پالیسیوں سے ن لیگی رہنماؤں کی اکثریت شدید ناراض ہیں۔
ذرائع نے بتایا ہے کہ لیگی رہنماؤں نے پارٹی قیادت سے مطالبہ کیا ہے کہ اسحاق ڈار کو وزارت خزانہ سے ہٹایاجائے۔
سینئرپارٹی رہنماؤں نے مؤقف میں کہا ہے کہ وزیر خزانہ اسحاق ڈار عوام کو ریلیف دینے میں ناکام رہے، پیٹرول اور منی بجٹ کاملبہ ن لیگ اکیلےکیوں اٹھائے۔
لیگی رہنماؤں کا کہنا تھا کہ پیٹرول اور منی بجٹ کے فیصلے پر پوری پی ڈی ایم کو شامل کریں۔
رہنماؤں نے مزید کہا کہ اسحاق ڈارکی معاشی پالیسیوں کا سب سے زیادہ نقصان ن لیگ کوہورہا ہے اور ان کی پالیسیوں کےباعث عوام میں منہ دکھانےکےقابل نہیں رہے۔
گذشتہ روز وفاقی وزیرِ خزانہ اسحاق ڈار جب قومی اسمبلی کے اجلاس میں منی بجٹ پیش کرتے اربوں روپے کا ٹیکس عائد کردیے تھے۔
