اسلام آباد: پاکستان تحریک انصاف ن لیگ کی ایک اور وکٹ گرانے کو تیار ہے، مانسہرہ کی رکن صوبائی اسمبلی نے پی ٹی آئی میں شمولیت کا عندیہ دے دیا۔
تحریک انصاف ذرائع کے مطابق مانسہرہ سے مسلم لیگ ن کے ٹکٹ پر منتخب ہونے والی وجیہ زمان نے تحریک انصاف میں شمولیت کا اشارہ دے دیا، ن لیگ کے رکن صوبائی اسمبلی تحریک انصاف کا بیج اور پرچم کے ہمراہ اسمبلی ہال آئے۔
پی ٹی آئی ذرائع کا کہنا ہے کہ وجیہ زمان تحریک انصاف میں شمولیت اختیار کرچکے ہیں تاہم وہ اس کا باقاعدہ اعلان کچھ روز بعد کریں گے، ن لیگ کے سابق رکن اسمبلی رکنیت سے نااہلی کی وجہ سے فی الحال خاموش ہیں۔ ذرائع تحریک انصاف کا کہنا ہے کہ وجیہ زمان آئندہ الیکشن میں تحریک انصاف کے ٹکٹ سے الیکشن لڑیں گے۔
پڑھیں: پی پی رہنما نور عالم خان پی ٹی آئی میں شامل
یاد رہے آج پیپلزپارٹی کےسابق رکن قومی اسمبلی نور عالم خان نے جہانگیر ترین کی رہائش گاہ پر اُن سے ملاقات کر کے تحریک انصاف میں شمولیت کی خواہش کا اظہار کیا بعد ازاں عمران خان کے ہمراہ باقاعدہ پریس کانفرنس میں تحریک انصاف کا حصہ بننے کا اعلان کیا۔
