کراچی: ڈسٹرکٹ کیماڑی پولیس نے ٹارگٹڈ کارروائی کرتے ہوئے 2ملزمان کو حراست میں لے لیا، ملزمان کے قبضے سے بڑی مقدار میں منشیات بر آمد کرلی گئی۔
ایس ایس پی کیماڑی کا کہنا ہے کہ ملزمان میں بین الصوبائی منشیات اسمگلر اور گٹکا، ماوا سپلائر شامل ہیں، گرفتار ملزمان میں سے ایک ملزم کوئٹہ سے منشیات بس میں لاکر سائٹ ایریا پہنچا تھا۔
ایس ایس پی نے بتایا کہ ملزم کی شناخت چاکر خان کے نام سے ہوئی ہے، ملزم سے 5015 گرام چرس بر آمد کرلی گئی ہے۔
دوسری کارروائی میں حب ریور روڈ سے گٹکا سپلائر کو حراست میں لے لیا گیا ہے، ملزم کورکشے میں گٹکا لے جاتے ہوئے گرفتار کیا گیا۔
ملزم کے 2 ساتھی شمس اللہ اور ضیاالدین موقع سے فرار ہوگئے، جبکہ ملزم سے 225 پیکٹ ماوا، 20250 انڈین گٹکا برآمد کرلیا گیا ہے۔
ایس ایس پی کیماڑی کا کہنا تھا کہ ملزمان کوتھانہ سعید آباد اور سائٹ اے کے علاقوں سے گرفتار کیا گیا، ملزمان کیخلاف مقدمات درج کرکے تفتیش کا آغاز کردیا گیا ہے۔
