16.8 C
Ashburn
ہفتہ, مئی 18, 2024
اشتہار

کراچی میں جلاؤ گھیراؤ، پولیس نے 90 سے زائد مزید تصاویر اور ویڈیوز جاری کر دیں

اشتہار

حیرت انگیز

کراچی: شہر قائد میں شارع فیصل اور دیگر مقامات پر جلاؤ گھیراؤ کے سلسلے میں شعبہ تفتیش پولیس نے 90 سے زائد مزید تصاویر اور ویڈیوز جاری کر دیں۔

تفصیلات کے مطابق کراچی میں شارع فیصل اور دیگر مقامات پر جلاؤ گھیراؤ کی مزید تصاویر اور ویڈیوز شعبہ تفتیش پولیس نے جاری کر دی ہیں، یہ تصاویر جلاؤ گھیراؤ اور ہنگامہ آرائی کے مقامات سے حاصل کی گئی ہیں۔

تصاویر اور ویڈیوز میں پی ٹی آئی ایم این اے، ایم پی ایز کو وقوعہ پر دیکھا جا سکتا ہے، جاری کردہ تصاویر میں پی ٹی آئی کراچی کے عہدیدار بھی شامل ہیں، اور کارکنان کی بڑی تعداد موجود ہے۔

- Advertisement -

ایم پی اے راجا اظہر اور ایم این اے فہیم خان بھی نظر آ رہے ہیں، ڈاکٹر مسرور سیال اور حلیم عادل شیخ کے پی آر او فرحان بھی موجود ہیں، ایم پی اے ڈاکٹر سعید آفریدی اور ایم این اے سیف الرحمان محسود بھی نظر آ رہے ہیں، ایم پی اے رابستان خان، ان کے بھائی پیر رحمان، صدر ڈسٹرکٹ ویسٹ اسد امان اور سابقہ ایم این اے عطااللہ، راجا اظہر کے بڑے بھائی راجا آصف اور دیگر بھی موجود ہیں۔

پولیس حکام کا کہنا ہے کہ شارع فیصل پر قیدی وین کو جلانے والے کارکنان کی بھی نشان دہی کی گئی ہے، قیدی وین جلانے میں ملوث ملزم کا نام فرحان خان بنگشن بتایا گیا ہے، جب کہ تصاویر اور ویڈیوز میں نظر آنے والے ملزمان کی تلاش کا عمل جاری ہے، تمام ملزمان کے خلاف دہشت گردی سمیت دیگر دفعات کے تحت مقدمات درج کیے جا چکے ہیں۔

Comments

اہم ترین

نذیر شاہ
نذیر شاہ
نذیر شاہ کراچی میں اے آر وائی نیوز کے کرائم رپورٹر ہیں

مزید خبریں