The news is by your side.

Advertisement

امریکی پولیس اہلکار بپھری گائے سے جان بچانے میں کامیاب

مجرموں کے لیے دہشت کی علامت سمجھے جانے والی امریکی ریاست ٹیکساس کی پولیس کو ایک گائے نے تگنی کا ناچ نچا دیا۔

ٹیکساس میں ایک پولیس اہلکار ایک بپھری ہوئی گائے سے بہت پھرتی سے اپنی جان بچانے میں کامیاب ہوا۔

پولیس کار میں نصب کیمرے کی مدد سے دیکھا جا سکتا ہے کہ ایک بپھری گائے مذبحہ خانے سے فرار ہو کر قریبی پارک میں گھس آئی۔

موقع پر موجود پولیس اہلکار اپنی گاڑی کے ذریعہ اس گائے کو دھکیل کر پارک کے ایسے کونے میں لے گیا جہاں چاروں جانب گرل لگی تھی۔

لیکن آزاد فضا کی دلدادہ اس گائے کو پولیس افسر کی یہ ادا پسند نہ آئی۔

مزید پڑھیں: بیل کی ’ویرو‘ کی طرح خودکشی کی کوشش

ابھی پولیس افسر نے گاڑی سے اتر کر گیٹ بند کرنے کی کوشش کی ہی تھی کہ غصے میں بھری گائے پلٹ کر پولیس اہلکار پر حملہ کرنے دوڑی۔

ہوشیار پولیس افسر صرف چند لمحوں کی پھرتی سے گائے کے اس وار سے بال بال بچا۔

سوشل میڈیا پر وائرل وہنے والی اس ویڈیو کو اب تک لاکھوں افراد دیکھ چکے ہیں۔

Print Friendly, PDF & Email

Comments

comments

یہ بھی پڑھیں