The news is by your side.

Advertisement

کراچی: مختلف علاقوں میں پولیس مقابلے، 4 ملزمان گرفتار، اسلحہ برآمد

کراچی: شہرقائد کے مختلف علاقوں میں پولیس مقابلوں کے نتیجے میں 4 ملزمان گرفتار ہوئے جن کے قبضے سے اسلحہ برآمد کرلیا گیا۔

تفصیلات کے مطابق کراچی کے علاقے لیاری میں دو پولیس مقابلے ہوئے جبکہ سائٹ ایریا میں پولیس نے کارروائی کرتے ہوئے دو ملزمان گرفتار کیے۔

پولیس حکام کا کہنا ہے کہ لیاری کے علاقے کلری میں جمعہ بلوچ روڈ کے قریب مبینہ پولیس مقابلہ ہوا، فائرنگ کے تبادلے کے بعد ملزم زخمی حالت میں گرفتار جبکہ ساتھی فرار ہونے میں کامیاب ہوگیا۔

پولیس نے زخمی ملزم کے قبضے سے اسلحہ برآمد کرلیا۔ْ

دوسرا پولیس مقابلہ لیاری کے علاقے بغدادی میں سلاٹرہاؤس کے قریب ہوا، فائرنگ کے تبادلے کے بعد ملزم زخمی حالت میں گرفتار کرلیا گیا۔

پولیس کا کہنا ہے کہ ملزم ضمیر کا تعلق لیاری گینگ وار سے ہے، ملزم سے اسلحہ برآمد ہوا۔

علاوہ ازیں کراچی کے علاقے سائٹ ایریا میں پولیس نے کارروائی کرتے ہوئے دو خطرناک اسٹریٹ کرمنل کو گرفتار کرلیا۔

پولیس حکام کے مطابق گرفتار ملزمان سے اسلحہ اور چھینے گئے موبائل فون برآمد کرلیے گئے ہیں۔

Comments

comments

یہ بھی پڑھیں