پی ٹی آئی رہنما یاسمین راشد کو گرفتار کرنے کے لیے پولیس ان کے کلینک پہنچ گئی ہے۔
اے آر وائی نیوز کے مطابق ترجمان پی ٹی آئی کا کہنا ہے کہ پولیس یاسمین راشد کو گرفتار کرنے کلینک پہنچی ہے جبکہ یاسمین راشد اپنے کلینک کے سامنے گاڑی میں موجود ہیں۔
پولیس نے یاسمین راشد کی گاڑی کو بیچ سڑک پر روک رکھا ہے اور انہیں حراست میں لینے کی کوشش کی جارہی ہے۔
ذرائع کا بتانا ہے کہ پولیس اہلکاروں اور یاسمین راشد کے درمیان تکرار بھی ہوئی ہے۔
پولیس کی یاسمین راشد کو حراست میں لینے کی کوشش#ARYNews #YasmeenRashid #PTI pic.twitter.com/saI6FY7t4z
— ARY NEWS (@ARYNEWSOFFICIAL) March 16, 2023
یاسمین راشد کا کہنا ہے کہ شادمان انڈر پاس پر پولیس نے بیریئر لگا کر میری گاڑی کو روک رکھا ہے پولیس مجھے حراست میں لینے لگی ہے۔
انہوں نے کہا کہ اس وقت گاڑی بند کرکے اندر موجود ہیں مجھے نہیں بتایا جارہا ہے کہ کس کیس میں گرفتار کرنے آئے ہیں۔
پی ٹی آئی رہنما نے کہا کہ پولیس علی بلال کے کیس میں باقاعدہ ضمانت لے چکی ہوں لیکن انہوں نے تماشا بنایا ہوا ہے۔