The news is by your side.

Advertisement

لاہور، سوتیلی ماں‌ نے کم سن بہن بھائی کو کرنٹ‌ لگا کر مار ڈالا

لاہور: پنجاب کے شہر رائے ونڈ میں سوتیلی ماں نے دو کم سن بہن بھائی کو کرنٹ لگا کر مار دیا۔

اے آر وائی نیوز کے مطابق لاہور کے علاقے رائے ونڈ کے ایک گھر سے 6 سالہ ابو ذر اور پانچ سالہ عمان شہزادی نامی بچی کی لاش برآمد ہوئی۔

پولیس حکام کے مطابق بچوں کے والد نے ڈیڑھ سال قبل دوسری شادی کی جس کے بعد سوتیلی ماں انیلا بچوں کے ساتھ رہتی تھی۔ پولیس نے انکشاف کیا کہ بچوں کی ہلاکت کے بعد ماں اپنے ایک سالہ بیٹے کے ساتھ غائب ہوگئی ، جس کی تلاش جاری ہے۔

حکام نے بتایا کہ بچے اپنی سوتیلی ماں کے ساتھ ہی رہتے تھے، اس حوالے سے ابھی تفتیش جاری ہے۔

بعد ازاں پولیس نے بتایا کہ سوتیلی ماں نے دو بچوں کو کرنٹ لگا کر قتل کیا، شوہر گھر سے باہر گیا تو ملزمہ نے 6 سالہ بیٹے اور 4 سالہ بیٹی کو کرنٹ لگایا۔ ملزمہ انیلہ کو غصہ تھا کہ شوہر دونوں بچوں کو اعلیٰ تعلیم دلوانے کا خواہش مند ہے۔ فرانزک ٹیم نےشواہداکٹھےکرکےلاشیں پوسٹ مارٹم کیلئےاسپتال منتقل کردیں۔

دوسری جانب پولیس نے خانیوال میں چار سالہ معصوم بچی زیبا ندیم کے قتل میں ملوث چچا کو گرفتار کرلیا۔ ملزم نے بتایا کہ وہ ورثا کے ساتھ بچی کو تلاش کر کے ڈرامہ کرتا رہا۔

جنوبی پنجاب کے اے آئی جی ظفر اقبال نے بتایا کہ بچی کے چچا کو گرفتار کر کے تفتیش شروع کردی گئی ہے، جس نے اپنی بھتیجی کو قتل کرنے کا اعتراف بھی کیا ہے۔

Comments

یہ بھی پڑھیں