کراچی: شہر قائد میں کار سوار نے ٹریفک پولیس اہلکار کو ٹکر مارنے کی کوشش کی تو پولیس اہلکار گاڑی کے بونٹ پر چڑھ گیا۔
تفصیلات کے مطابق کراچی کے علاقے نیپا چورنگی پوسٹ آفس کے قریب ٹریفک پولیس اہلکار نے کار سوار کو رکنے کا اشارہ کیا تو کار سوار نے فرار ہونے کی کوشش کی جس پر اہلکار گاڑی کے بونٹ پر چڑھ کر بیٹھ گیا۔
کار سوار نے جب یہ دیکھا کہ وہ فرار ہونے میں کامیاب نہیں ہوسکتا تو اس نے گاڑی سائیڈ میں لگادی۔
نمائندہ اے آر وائی نیوز کے مطابق ٹریفک اہلکار کی جان خطرے میں رہی اور شہری کی جانب سے انتہائی سنگین عمل کیا گیا سارے واقعے کو شہریوں نے اپنے کیمرے میں محفوظ کیا۔
ویڈیو میں دیکھا جاسکتا ہے کہ ٹریفک اہلکار بونٹ پر چڑھا ہوا ہے لیکن مذکورہ کار سوار گاڑی چلاتا رہا اور مجبوراً اسے گاڑی روکنی پڑی۔
ٹریفک پولیس نے مذکورہ کار سوار کا چالان کردیا اور اس کے خلاف قانونی کارروائی کے لیے متعلقہ ایس ایس پی سے مشاورت جاری ہے۔
