کراچی میں پولیس کیس رپورٹ ہونے کے بعد وزارت قومی صحت نے پولیو کیس کے حوالے سے ٹیکنیکل رپورٹ تیار کرلی۔
تفصیلات کے مطابق پولیو کا کیس کراچی ایسٹ یوسی گجرو کے زون اے سے رپورٹ ہوا ہے، وزارت قومی صحت کی جانب سے پولیو کیس کی ٹیکنیکل رپورٹ تیار کرلی ہے۔
ذرائع کا بتانا ہے کہ ڈھائی سالہ بچے میں 15 اکتوبر کو پولیو کی علامات ظاہرہوئیں۔ بچے میں وائلڈ پولیو وائرس ون پایا گیا ہے۔
- Advertisement -
وزارت صحت کے ذرائع نے کہا کہ پولیوٹیسٹ کیلئے بچی سے سیمپل 26 اور 28 اکتوبر کو لیے گئے تھے۔ پولیووائرس کا شکار بچہ افغانی نژاد ہے۔
رواں سال رپورٹ ہونے والے پولیو کیسز کی تعداد 5 ہو گئی ہے۔ رواں سال کا چوتھا پولیوکیس بھی یو سی گجرو زون اے سے رپورٹ ہوا تھا۔