پاکستان کے دورے کے بعد امریکی وزیر خارجہ بھارت پہنچ گئے: Pompeo
The news is by your side.

Advertisement

دورہ پاکستان کے بعد امریکی وزیر خارجہ بھارت پہنچ گئے

واشنگٹن: امریکی وزیر خارجہ مائیک پومپیو پاکستان کے مختصر دورے کے بعد بھارت پہنچ گئے، وہ بھارتی وزیر اعظم نریندر مودی سے ملاقات کریں گے۔

تفصیلات کے مطابق امریکا کے وزیر خارجہ مائیک پومپیو پاکستان کے دورے کے بعد بھارت پہنچ چکے ہیں، نریندر مودی سمیت دیگر اعلیٰ عہدیداروں سے بھی ملاقات کریں گے۔

غیر ملکی خبر رساں ادارے کے مطابق بھارت اور امریکا کے درمیان عسکری تعلقات سے متعلق تاریخی معاہدہ بھی ممکن ہے، جس معاہدے کے تحت دونوں ملکوں کے درمیان عسکری معاملات مزید مضبوط ہوں گے۔

امریکی وفد نے ڈو مور کا کوئی مطالبہ نہیں کیا، وزیرِ خارجہ شاہ محمود قریشی

مائیک پومپیو کے دورہ بھارت کے موقع پر جو عسکری معاہدہ ہوگا اس کے تحت امریکا بھارت کو حساس نوعیت کے دفاعی آلات بھی فراہم کرے گا۔

خیال رہے کہ آج امریکی وزیر خارجہ مائیک پومپیو نے پاکستان کا دورہ کیا، وفاقی وزیرِ خارجہ شاہ محمود قریشی نے مائیک پومپیو کی سربراہی میں آنے والے امریکی وفد کے ساتھ ملاقات کی۔

آرمی چیف سے امریکی وزیرِ خارجہ کی ملاقات، مل کر کام کرنے پر اتفاق

یاد رہے کہ آج وزیرِ اعظم ہاؤس میں عمران خان سے بھی امریکی وزیرِ خارجہ نے ملاقات کی، جس میں دہشت گردی کے خلاف جنگ میں تعاون بڑھانے پر تبادلۂ خیال ہوا۔

اس موقع پر عمران خان نے کہا کہ پاکستان امریکا سے مل کر قیام امن کے لیے کردار ادا کرتا رہے گا، پاکستان نے دہشت گردی کے خلاف جنگ میں بے پناہ قربانیاں دیں، امریکا سےعزت و احترام پرمبنی تعلقات چاہتے ہیں۔

واضح رہے کہ امریکی وزیرِ خارجہ مائیک پومپیو نے پاک فوج کے سربراہ جنرل قمر جاوید باجوہ کے ساتھ علیحدہ ملاقات کی، ملاقات میں خطے میں امن کے لیے مل کر کام کرنے پر اتفاق کیا گیا۔

Comments

comments

یہ بھی پڑھیں