The news is by your side.

ویڈیو: سانپ پکڑنے والا کوبرا کے ڈسنے سے چل بسا

بھارت میں پوری زندگی سانپوں کو پکڑنے والا شخص کوبرا کے ڈسنے سے چل بسا۔

بھارتی میڈیا رپورٹس کے مطابق ریاست راجستھان کے چورو ضلع سے تعلق رکھنے والے ونود تیواری تقریباً 20 سال سے سانپوں کو پکڑ رہے تھے اور انہیں پھر جنگل میں چھوڑ دیتے تھے۔

کوبرا کے ڈسنے کا واقعہ گوگامیڈی علاقے میں پیش آیا جس کی ویڈیو سی سی ٹی وی کیمرے میں محفوظ ہوگئی۔

ویڈیو میں سانپ پکڑنے والے کو کوبرا کے ساتھ دیکھا جاتا ہے جیسے ہی انہوں نے زہریلے سانپ کو اپنے تھیلے میں ڈالنے کی کوشش کی تو اس نے اس کی انگلی کو کاٹ لیا اور چند منٹ بعد 45 سالہ شخص چل بسا۔

بھارتی میڈیا کے مطابق وہ سانپ آدمی کے نام سے مشہور تھے اور ان کی آخری رسومات میں کئی لوگوں نے شرکت کی۔

واقعے کی ویڈیو سوشل میڈیا پر تیزی سے وائرل ہورہی ہے اور ونود تیواری کی موت پر افسوس کا اظہار کررہے ہیں۔

Comments

یہ بھی پڑھیں