The news is by your side.

Advertisement

امریکا میں مٹی کا طوفان، نظام زندگی درہم برہم

واشنگٹن: امریکی ریاست نیواڈا میں اچانک مٹی کے طوفان نے نظام زندگی درہم برہم کردیا، شہری خوف میں مبتلا ہوگئے۔

تفصیلات کے مطابق نیواڈا میں دھول مٹی کے طوفان نے نظام زندگی مفلوج کردیا، جبکہ ٹریفک کی روانی بری طرح متاثر ہے۔

غیر ملکی خبر رساں ادارے کا کہنا ہے کہ امریکی ریاست نیواڈا میں مٹی کا طوفان چانک امڈ آیا جس نے ہر شخص کو خوفزدہ کردیا۔

امریکی حکام نے بتایا کہ ریاست نیواڈا کی کاونٹی کلارک میں موسم نے اچانک کروٹ بدلی اور تیز ہواوں کے ساتھ اڑتی ریت، دھول مٹی سے نظام زندگی درہم برہم ہوگیا۔

ٹریفک کی روانی بری طرح متاثر ہوئی جبکہ ہوا میں اڑتی ریت اور مٹی کے باعث کئی افراد کو مشکلات کا سامنا کرنا پڑا۔

رپورٹ کے مطابق موسم کی خراب صورتحال کے باعث انتظامیہ کی جانب سے لوگوں کو گھر سے باہر نکلتے ہوئے احتیاط کی تاکید کی گئی ہے۔

خیال رہے کہ گذشتہ ماہ امریکا کی وسطی ریاستوں میں طوفان کے باعث ندی نالوں اور دریاؤں میں طغیانی آ گئی تھی، سیلاب کے باعث دو افراد ہلاک بھی ہوئے تھے۔

امریکا: طوفان کے باعث ندی نالوں میں طغیانی، کئی علاقے سیلاب کی زد میں آگئے، دو افراد ہلاک

یاد رہے کہ گذشتہ سال مئی میں امریکا میں طوفانی بارشوں اور سیلاب نے تباہی مچادی تھی، جبکہ دوسری جانب برطانیہ میں بھی شدید بارشوں کے باعث سڑکیں تالاب بنی اور ایک شخص ہلاک ہوگیا تھا۔

Comments

comments

یہ بھی پڑھیں