بجلی کمپنیوں میں جعلی اشتہار کے ذریعے بھرتیوں پر پاور ڈویژن نے اہم قدم اٹھا لیا۔ تحقیقات کے لیے وفاقی ادارے کو خط ارسال کردیا۔
تفصیلات کے مطابق جعلی اشتہار کے ذریعے بجلی کمپنیوں میں بھرتیوں کے حوالے سے عوام کو گمراہ کیا جارہا ہے۔ پاورڈویژن نے جعلی اشتہار کے تناظر میں تحقیقات کیلئے ایف آئی اے کو خط لکھا دیا ہے۔
وفاقی تحقیقاتی ادارے کو لکے جانے والے خط کے متن میں کہا گیا ہے کہ سوشل میڈیا پر پاور ڈویژن میں 25 ہزار سے زائد بھرتیوں کا اشتہار زیرِگردش ہے۔
- Advertisement -
پاورڈویژن کا کہنا ہے کہ درخواست کیساتھ اکاؤنٹ میں ایک ہزار جمع کرانے کا کہا گیا ہے۔ اسامیوں کا پاور ڈویژن اور اس کی کمپنیوں سے کوئی تعلق نہیں ہے۔
ایف آئی کو لکھے گئے خط کے متن میں پاور ڈویژن نے کہا ہے کہ جعلی اشتہار کے ذریعے پیسے بٹورنے والوں کےخلاف کارروائی کی جائے۔
