جمعرات, مئی 23, 2024
اشتہار

پیپلزپارٹی کو بلوچستان میں حکومت سازی میں مشکلات کا سامنا

اشتہار

حیرت انگیز

اسلام آباد: پیپلز پارٹی کو بلوچستان میں حکومت سازی میں مشکلات کا سامنا کرنا پڑ رہا ہے، پی پی سمیت اتحادی جماعت ن لیگ کے بعض اراکین ثنا اللہ زہری اور سرفراز بگٹی کی ممکنہ نامزدگی کے مخالف نکلے۔

پیپلزپارٹی کے ذرائع کے مطابق وزیراعلی بلوچستان کے امیدوار نواب ثنا اللہ زہری، سرفراز بگٹی کے نام پر تحفظات اٹھنے لگے، پی پی اور ن لیگ کے ارکان نے تحفظات کا اظہار کیا ہے۔

ذرائع نے بتایا کہ پی پی اور ن لیگ کے بعض ارکان ثنا اللہ زہری اور سرفراز بگٹی کی نامزدگی کے مخالف نکلے ہیں، پی پی ذرائع نے کہا پی پی کارکنان کی جگہ نئے شامل ہونے والوں کی نامزدگی افسوسناک ہوگی۔

- Advertisement -

ذرائع نے بتایا کہ ثنا اللہ زہری، سرفراز بگٹی کی نامزدگی پر ووٹوں کی تقسیم کا خدشہ ہے، مسلم لیگ ن بلوچستان نواب ثنا اللہ زہری سے شدید نالاں ہے، بلوچستان میں ن لیگ کے بیشتر ایم پی ایز کے ثنا اللہ زہری پر تحفظات ہیں۔

ذرائع کا کہنا ہے کہ ثنا اللہ زہری بلوچستان میں اپنی جگہ بنانے میں تاحال ناکام ہیں، ان کا بطور وزیر اعلیٰ بلوچستان پیپلز پارٹی سے رویہ امتیازی تھا۔ ذرائع نے کہا کہ پی پی کے سنیئر اراکین کی موجودگی میں سرفراز بگٹی کی نامزدگی افسوسناک ہوگی، سرفراز بگٹی کا جارحانہ طرز سیاست پیپلز پارٹی سے یکسر مختلف ہے اور بلوچستان جارحانہ طرز سیاست کا متحمل نہیں ہو سکتا۔

 پیپلزپارٹی ذرائع نے مزید کہا کہ بلوچستان کو مفاہمت پسند وزیراعلیٰ کی ضرورت ہے، بلوچستان کے مسائل گھمبیر ہے احتیاط سے چلنے کی ضرورت ہے، آئندہ وزیر اعلیٰ بلوچستان کو حالات کے مطابق فیصلے کرنا ہوں گے۔

Comments

اہم ترین

جہانگیر خان
جہانگیر خان
جہانگیر خان اے آر وائی نیوز اسلام آباد کے نمائندے ہیں۔ وہ پارلیمانی امور، صحت، کشمیر، جی بی اور پیپلز پارٹی سے متعلق خبریں رپورٹ کرتے ہیں۔

مزید خبریں