اسلام آباد: پیپلزپارٹی نے گیلپ سروے کی رپورٹ پر ردعمل دیتے ہوئے اسے بھوت سروے سے مقبولیت ناپنے کا پیمانہ قرار دیا ہے۔
تفصیلات کے مطابق پی پی کے ترجمان فیصل کریم کنڈی کا کہنا تھا کہ بھوت سروے سے مقبولیت کا پیمانہ دھوکہ دہی کے سوا کچھ نہیں۔ بلاول بھٹو چاروں صوبوں، آزادکشمیر اور گلگت بلتستان میں یکساں مقبول ہیں۔
انھوں نے کہا کہ آئندہ انتخابات میں بلاول بھٹو زرداری کا ٹکٹ کامیابی کی ضمانت ہوگا۔ پیپلزپارٹی روٹی، کپڑا اور مکان کے منشور پر ثابت قدم ہے۔
- Advertisement -
فیصل کریم کنڈی نے اس حوالے سے مزید کہا کہ پیپلز پارٹی انتخابات جیت کر نوجوانوں کے لیے روزگار پیدا کرے گی۔
انھوں نے کہا کہ روزگار ملے گا تو روٹی، کپڑا اور مکان بھی ملےگا۔ عام انتخابات جلد کرائے جائیں، پتہ چل جائے گا کہ کون مقبول ہے۔