کراچی: پاکستان پیپلز پارٹی کی قیادت نے اسپیکر سندھ اسمبلی کو اپوزیشن لیڈر تبدیل کرنے کی اجازت دے دی۔
تفصیلات کے مطابق سندھ اسمبلی میں اپوزیشن لیڈر کی تبدیلی کے معاملے میں پی پی قیادت نے گرین سنگل دے دیا ہے، پی پی ذرائع کا کہنا ہے کہ اسپیکر کو کہا گیا ہے کہ اگر ایم کیو ایم اپوزیشن لیڈر کے لیے زیادہ نمبرز ظاہر کرتی ہے تو اس کی درخواست پر عمل کیا جائے۔
ذرائع کے مطابق جی ڈی اے کی حمایت کے بعد ایم کیو ایم آج ہی سندھ اسمبلی میں نئی درخواست جمع کرائے گی، جس کے 24 گھنٹے کے اندر نئے اپوزیشن لیڈر کا نوٹیفکیشن جاری ہوگا۔
- Advertisement -
ذرائع نے بتایا کہ پاکستان پیپلز پارٹی نگراں سیٹ اپ کے لیے پی ٹی آئی یا حلیم عادل شیخ سے مشاورت نہیں چاہتی۔
