اسلام آباد: ذرائع پیپلزپارٹی نے کہا ہے ہے پیپلزپارٹی نے پی ڈی ایم سے انتخابی اتحاد نہ کرنے کا فیصلہ کیا ہے۔
اے آر وائی نیوز کے مطابق ذرائع پیپلزپارٹی کا کہنا ہے کہ پیپلزپارٹی نے پی ڈی ایم سے انتخابی اتحاد نہ کرنے کا فیصلہ کیا ہے، پی ڈی ایم سے الیکشن میں انتخابی اتحاد سیاسی خسارہ ہے، آئندہ عام انتخابات سے متعلق مشاورت جلد جاری کی جائے گی۔
پی پی ذرائع کا بتانا ہے کہ پی پی قیادت ممکنہ انتخابی اتحاد کے بارے میں پارٹی کی رائے لے چکی ہے، پارٹی رہنمائوں کی اکثریت نے پی ڈی ایم سے اتحاد کی مخالفت کردی ہے۔
ذرائع کا یہ بھی بتانا ہے کہ الیکشن میں عوامی نیشنل پارٹی کے ساتھ انتخابی اتحاد ممکن ہے، اے این پی سے انتخابی اتحاد، سیٹ ایڈجسٹمنٹ ممکن ہے، ماضی میں اے این پی سے پی پی کے خوشگوار ورکنگ ریلیشن رہے ہیں جبکہ جے یو آئی سے ماضی والے ورکنگ ریلیشن نہیں رہے ہیں۔
پی پی ذرائع کا کہنا ہے کہ جانبدارانہ رویہ اپنانے پر پی ڈی ایم سے راہیں جدا کی تھیں، پی ڈی ایم کا پیپلزپارٹی سے رویہ ہمیشہ جانبدارانہ رہا ہے، جے یو آئی، ن لیگ نے پی ڈی ایم کو ہائی جیک کر رکھا ہے، پی ڈی ایم نے پیپلزپارٹی، اے این پی کو دیوار سے لگائے رکھا۔