وفاقی حکومت نے ایک ماہ کے دوران حیدر آباد الیکٹرک سپلائی کمپنی کے دوسرے سی ای او کو ہٹانے کی تیاری کرلی۔
ذرائع کے مطابق وفاقی حکومت نے ریاض پٹھان کو سی ای او حیسکو کے عہدے سے ہٹانے اور محمد خان سہو کو سی ای او حیسکو تعینات کرنے کا فیصلہ کرلیا۔
وفاقی کابینہ نے سرکولیشن کے ذریعے سمری کی منظوری دے دی۔ وفاقی حکومت نے گذشتہ ماہ ریاض احمد پٹھان کو سی ای او حیسکو تعینات کیا تھا۔
- Advertisement -
چند ہفتے قبل نور احمد سومرو کو بھی سی ای او حیسکو کے عہدے سے ہٹایا گیا تھا۔ نور احمد سومرو کو خراب کارکردگی کی وجہ سے عہدے سے ہٹایا گیا تھا۔