تازہ ترین

پاک فوج کشمیر کاز کی مکمل حمایت کرتی ہے: آرمی چیف

راولپنڈی: آرمی چیف جنرل قمر جاوید باجوہ نے کہا ہے کہ پاک فوج کشمیر کاز کی مکمل حمایت کرتی ہے.

پاک فوج کے شعبہ برائے تعلقات عامہ (آئی ایس پی آر) کے مطابق ان خیالات کا اظہار انھوں نے صدر آزاد کشمیر سے ملاقات کے موقع پر کیا.

ڈی جی آئی ایس پی آر کے مطابق آرمی چیف قمر جاوید باجوہ اور صدر آزاد کشمیر سردار مسعود خان کی ملاقات میں مقبوضہ کشمیرکی موجودہ صورت حال پر تبادلہ خیال ہوا.

اس موقع پر بھارت کی جانب سے ایل اوسی پر بلااشتعال فائرنگ پربھی گفتگو ہوئی، مقبوضہ کشمیر سے متعلق آرمی چیف نے پاک فوج کی بھرپورحمایت کی یقین دہانی کرائی.

خیال رہے کہ آج صدر آزاد کشمیر نے اپنے ایک بیان میں کہا تھا کہ مقبوضہ کشمیر پربھارتی مظالم پر اقوام متحدہ کوایکشن لینا ہوگا، اس ضمن میں سلامتی کونسل کا اجلاس بہت اہم ہے۔

انھوں نے کہا کہ مقبوضہ کشمیر میں نہتے شہریوں کا قتل عام کیا جا رہا ہے، اقوام متحدہ کو بھارت کےغیرقانونی اقدام پرایکشن لینا چاہیئے، بھارتی اقدام بین الاقوامی قوانین کے مطابق جنگی جرائم ہیں۔

Comments

- Advertisement -