The news is by your side.

Advertisement

جسٹس فائز عیسیٰ ودیگر کیخلاف ریفرنس پر سماعت 14جون کو ہوگی

اسلام آباد: جسٹس قاضی فائز عیسیٰ سمیت دیگر ججز کے خلاف صدارتی ریفرنس پر سماعت چودہ جون کو ہوگی۔

تفصیلات کے مطابق جسٹس قاضی فائز عیسیٰ سمیت دیگر ججز کے خلاف صدارتی ریفرنس پر سماعت سے متعلق سپریم جوڈیشل کونسل نے اٹارنی جنرل کو نوٹس جاری کردیئے۔

اٹارنی جنرل ریفرنس سماعت میں بطور پراسیکیوٹر پیش ہوں گے، اثاثے چھپانے کے الزام پر دائر ریفرنس میں ججز کے خلاف آرٹیکل دو سو نو کے تحت کارروائی کی استدعا کی گئی ہے۔

دوسری جانب معاون خصوصی برائے اطلاعات فردوس عاشق اعوان کا کہنا ہے کہ عدلیہ ہو یا کوئی اور ادارہ احتساب سب کے لیے ہے، کوڈ آف کنڈکٹ کی خلاف ورزی پر احتساب کا شکنجہ کسا جائے گا۔

خیال رہے کہ گذشتہ روز سپریم کورٹ کے جسٹس قاضی فائز عیسیٰ نے صدر مملکت کو ایک خط ارسال کیا تھا جس میں کہا گیا ہے کہ میرے خلاف جو ریفرنس دائر کیا گیا ہے اس ریفرنس کی کاپی فراہم کی جائے۔

صدارتی ریفرنس : جسٹس قاضی فائزعیسیٰ کا ڈاکٹرعارف علوی کے نام خط ارسال

انہوں نے اپنے خط میں یہ بھی لکھا تھا کہ انہیں سرکاری ذرائع سے یہ معلوم ہوا ہے کہ ان کے خلاف آئین کے آرٹیکل 209 کے تحت کوئی ریفرنس دائر ہوا ہے، صدر مملکت کے دستخط سے میرے خلاف میں ریفرنس دائر کیا گیا ہے اگر خبریں درست ہیں تو ریفرنس کی کاپی فراہم کی جائے۔

جسٹس فائز عیسیٰ کو سپریم کورٹ کے جج کے عہدے سے برطرف کیا جائے، پنجاب بار کونسل

واضح رہے کہ گذشتہ ماہ پنجاب بار کونسل نے بھی جسٹس قاضی فائز عیسیٰ کے خلاف پیش کی گئی چھ نکاتی قرارداد منظور کی گئ تھی جس میں مطالبہ کیا گیا کہ انہیں سپریم کورٹ کے جج کے عہدے سے برطرف کیا جائے۔

Comments

comments

یہ بھی پڑھیں