کراچی میں سرکاری سطح پر مرغی کی قیمتوں میں کمی کرتے ہوئے کمشنر کراچی نے مرغی کے نئے نرخ مقرر کردیے۔
تفصیلات کے مطابق کمشنر کراچی سلیم راجپوت نے زندہ مرغی اور مرغی کے گوشت کی قیمتوں کا نوٹی فکیشن جاری کردیا ہے۔
جس کے مطابق مرغی کا فی کلوگوشت 68روپے سستا ہوگیا جبکہ زندہ مرغی کی فی کلو قیمت میں 44روپے کمی ہوگئی۔
- Advertisement -
نوٹی فکیشن کے مطابق ریٹیلرز کیلئے مرغی کے گوشت کی قیمت 502روپے فی کلو مقررکردی گئی ہے۔
پولٹری فارم کے لیے ایک کلو زندہ مرغی کےنرخ 310روپے فی کلو اور ڈھائی فیصد منافع کےساتھ مرغی کے ہول سیل نرخ 318روپے فی کلو مقرر کیے گئے ہیں۔
اس کے علاوہ دو فیصد منافع کے ساتھ مرغی کے ریٹیلرز کیلئے324 روپے فی کلو نرخ مقرر کیے گئے ہیں۔
واضح رہے کہ اس سے قبل مرغی کے گوشت کی سرکاری قیمت570روپے کلو تھی، زندہ مرغی کی فی کلو سرکاری قیمت 368روپے تھی۔
