مہنگائی کے ستائے عوام کے لئے اچھی خبر صرف خبر ہی رہی، یوٹیلیٹی اسٹورز پر مختلف برانڈز کا گھی اور کوکنگ آئل کی قیمتوں میں کمی صرف احکامات تک محدود ہے۔
تفصیلات کے مطابق ملک بھر کے یوٹیلیٹی اسٹورز پر گھی اور تیل کی قیمتوں میں کمی کے اعلانات ہوائی نکلے۔ مہنگائی کے ستائے عوام ریلیف سے تاحال محروم ہیں۔
ذرائع کا کہنا ہے کہ لوگ پرانی قیمت پر تیل اور گھی خریدنے پر مجبور ہیں، کہتے ہیں اسٹورز پر قیمتوں میں کمی کے فیصلے پرعمل نہیں کیا جا رہا۔
- Advertisement -
شہریوں نے مطالبہ کیا ہے کہ حکومت نے قیمتوں میں کمی کا اعلان تو کردیا لیکن اس پر عمل کون کرائے گا؟ لہٰذا متعلقہ حکام فوری نوٹس لے کر اقدامات کریں۔
واضح رہے کہ یوٹیلیٹی اسٹورز حکام نے کوکنگ آئل 76 روپے تک فی لیٹر سستا اور گھی کی فی کلو قیمت میں 69 روپے تک کمی کرنے کا باقاعدہ اعلان کرتے ہوئے احکامات بھی جاری کیے تھے۔
