The news is by your side.

Advertisement

وزیراعظم کی وزارت پانی وبجلی کو سحر و افطار میں لوڈ شیڈنگ نہ کرنے کی ہدایت

اسلام آباد: وزیراعظم نواز شریف نے وزارت پانی و بجلی کو سحر و افطار میں لوڈ شیڈنگ نہ کرنے کی ہدایت کردی۔

وزیراعظم نے وزارت پانی و بجلی کو ہدایت دی کہ عوام کو سحرو افطار میں بلا تعطل بجلی فراہم کی جائے، سحرو افطار میں شہروں اور دیہات میں یکساں طور پر بجلی فراہم کی جائے، ساتھ ہی انہوں نے وزیراعظم آفس کو کہا کہ لوڈ شیڈنگ کے اوقات سختی سے مانیٹر کرے۔

رمضان کی آمد پر وزیراعظم میاں نواز شریف نے خصوصی پیغام دیتے ہوئے کہا کہ عوام وطن عزیز کی بہتری کے لیے ماہ رمضان میں خصوصی دعائیں کریں، میرا دل وطن اور اہلِ وطن کے لیے دھڑکتا ہے، انشاء اللہ بہت جلد اپنے عوام کے درمیان ہوں گا۔

وزیر اعظم نے کہا کہ عوام دعا کریں کہ وطن ہرقسم کی بیرونی سازشوں سے محفوظ رہے، اللہ کےفضل اور اہل وطن کی دعاؤں سے صحت یاب ہورہا ہوں۔

دوسری جانب رمضان المبارک کے لیے واپڈا کی جانب سے لوڈ شیڈنگ کا شیڈول جاری کردیا گیا،دیہاتی علاقوں میں 14 گھنٹے جبکہ شہری علاقوں میں 12 گھنٹے لوڈ شیڈنگ کی جائے گی۔

Print Friendly, PDF & Email

Comments

comments

یہ بھی پڑھیں