کوالالمپور: ملائیشین وزیراعظم مہاتیر محمد کی اہلیہ سیتی محمد علی وزیراعظم عمران خان کی مداح نکلیں۔
تفصیلات کے مطابق وزیراعظم عمران خان نے گزشتہ روز اپنے ہم منصب مہاتیرمحمد سے ملاقات کی تو پتہ چلا کہ ان کی اہلیہ عمران خان کی مداح ہیں۔
پاکستان تحریک انصاف کے آفیشل ٹویٹراکاؤنٹ پر شیئر کی جانے والی ویڈیو میں دیکھا جا سکتا ہے کہ ملائیشین وزیراعظم مہاتیرمحمد کی اہلیہ نے وزیراعظم عمران خان سے درخواست کی کہ کیا میں آپ کا ہاتھ تھام کر تصویر کھنچواسکتی ہوں؟۔ جس پر انہوں نے جواب دیا جی ضرور اور پھر تصویر کھنچوائی۔
Prime Minsiter Imran Khan marks his official visit to Malaysia.
Prime Minister Imran Khan held a bilateral meeting with Prime Minister Dr. Mahathir Mohamad.Both leaders held fruitful & in-depth discussions,which took place in a warm & cordial atmosphere. #PMIKinMalaysia pic.twitter.com/49y2CGWFja
— PTI (@PTIofficial) November 21, 2018
اس موقع پر ملائیشیا کے وزیراعظم مہاتیرمحمد سمیت تمام افراد کے چہروں پر مسکراہٹ بکھر گئی۔
مہاتیر محمد اورمجھےعوام نے کرپشن کے خلاف ووٹ دیا‘ وزیراعظم عمران خان
ملائیشیا کے دورے پرگئے ہوئے وزیراعظم عمران خان کا گزشتہ روز کہنا تھا کہ ملائیشیا نے مہاتیرمحمد کی قیادت میں تیزی سے ترقی کی، ان کے ماضی کے تجربات سے سیکھنے کے لیے ملائیشیا آئے ہیں۔
یاد رہے کہ وزیراعظم عمران خان منگل کی رات ملائیشیا کے دورے پر کوالالمپور پہنچے تھے جہاں ملائیشیا کے نائب وزیرخارجہ اور حکومت ملائیشیا کے دفتروزیراعظم کے نائب وزیرنے ان کا استقبال کیا تھا۔
وزیراعظم عمران خان کے ہمراہ وزیرخارجہ شاہ محمود قریشی، وزیرخزانہ اسد عمر، اور مشیر برائے تجارت عبدالرزاق داؤد بھی موجود تھے۔
واضح رہے کہ وزیراعظم پاکستان اس سے قبل سعودی عرب، چین اور متحدہ عرب امارات جا چکے ہیں۔
