امریکا کی نجی کمپنی نے اہم سنگ میل عبور کرتے ہوئے اپنا خلائی جہاز چاند پر پہنچا دیا ہے۔
بین الاقوامی خبر رساں ادارے کی رپورٹ کے مطابق روبوٹک خلائی جہاز ہیوسٹن کی کمپنی نے بھیجا ہے اور اس کے سگنل موصول ہوگئے ہیں۔ 1972 میں چاند پر اپالو کی لینڈنگ کے بعد امریکا کا یہ پہلا اقدام ہے۔
غیر ملکی میڈیا کے مطابق چاند پر اترنے کے بعد جہاز کی حالت کا اندازہ نہیں لگایا جاسکا ہے جبکہ اس مشن کے ساتھ کوئی بھی انسان روانہ نہیں ہوا ہے۔
واضح رہے کہ گزشتہ دنوں جاپان کا نیا فلیگ شپ ایچ تھری راکٹ بھی کامیابی سے لانچ کیا گیا تھا، مذکورہ راکٹ گزشتہ سال لانچنگ میں ناکام ہوگیا تھا۔
نیکسٹ جنریشن ایچ تھری راکٹ کو عالمی سطح پر مسابقت حاصل کرنے کے لیے ایچ ٹو اے سے بڑے پے لوڈز لے جانے کے لیے ڈیزائن کیا گیا ہے۔
یہ لانچنگ جاپان ایرو اسپیس ایکسپلوریشن ایجنسی کے لیے مسلسل دوسری جیت کا نشان بھی ہے جب اس کے اسمارٹ لینڈر آف انویسٹیگیشن مون (سلم) نے گزشتہ ماہ ”پائن پوائنٹ”حاصل کیا اور جاپان کو چاند پر خلائی جہاز لگانے والا صرف پانچواں ملک بنا دیا۔
خطرے کی علامت ’لاک بٹ‘ کیا ہے؟
لانچ کی تعداد کے لحاظ سے خلا میں ایک نسبتاً چھوٹا راکٹ ہے، جاپان اپنے پروگرام کو کامیاب کرنے کیلئے ہر ممکن کوشش کررہا ہے کیونکہ وہ چین کا مقابلہ کرنے کے لیے اپنے اتحادی امریکہ کا شراکت دار ہے۔
